لە دیالە هاووڵاتییەکی سووری بە تۆمەتی خۆناساندنی وەک "پزیشک" دەستگیر دەکرێت

ئاڤا نیوز

بەڕێوەبەرایەتی تەندروستیی دیالە، دەستگیرکردنی کەسێکی بە ڕەگەز سووری ڕاگەیاند کە خۆی وەک پزیشکێک لە دیالە ناساندبوو.

وێنە گەورەکە: لە پارێزگای دیالە و پارێزگاکانی دیکەی عێراق ماوە ماوە دیاردەی بوونی کلینیک و پزیشکی ساختە ئاشکرا دەکرێن، کە بۆ بەدەستهێنانی قازانجی ماددی کاری پزیشکی دەکەن، زۆرێکیان دەستگیر دەکرێن و ڕووبەڕووی ڕێککاری یاسایی دەکرێنەوە.

لێدوانی فەرمی: فارس عەزاوی، بەڕێوەبەری ڕاگەیاندنی تەندروستیی دیالە، بە ئاڤا میدیای ڕاگەیاند: "تیمەکانی پشکنین و چاودێری توانیان کەسێکی سووری دەستگیر بکەن کە خۆی وەک پزیشکی ددان لە قەزای خاڵس، باکووری ڕۆژهەڵاتی بەعقوبە ناساندبوو."

زانیاریی زیاتر: بەگوتەی عەزاوی، "دەزگا پەیوەندیدارەکان پزیشکە ساختەکەیان دەستگیر کرد و ڕووبەڕووی دادگا کرایەوە، هاوکات دەست بەسەر کەلوپەلەکانیدا گیراو کلینیکەکەشی داخرا".