بەرپرسانی ئەمریکی: ئیسرائیل زانیاری لەبارەی هێرشەکەی دیمەشق بە ئەمریکا داوە

ئاڤا نیوز

 

ئاژانسێکی ئەمریکی بڵاویکردووەتەوە، واشنتن بە تارانی ڕاگەیاندووە، هیچ ڕۆڵێکی لە هێرشەکەی سەر کونسوڵخانەی ئێران لە سووریا نەبووە و پێشتریش زانیاری لەبارەیەوە نەبووە.

 

لێدوانی فەرمی: حوسێن ئەکبەری، باڵیۆزی ئێران لە سووریا ڕایگەیاند: "گومان دەکرێت هێرشەکە ئیسرائیل بێت".

 

لەلایەکی دیکەوە: میسال ئالووسی، ئەندامی پێشووی پەرلەمانی عێراق بە ڕۆژنامەی مەدای ڕاگەیاند: "چوارچێوەی هەماهەنگی پەیامیان ناردووە بۆ وڵاتێکی ڕۆژئاوایی کە عێراق لە تێوەگلان بەدوور بگرن".

 

ئەوەش بزانە: بەرپرسانی ئەمریکی و ئیسرائیلی بە ئاژانسەکەیان ڕاگەیاندووە، تەلئەبیب ئیدارەی بایدنی لە هێرشەکە ئاگادار کردووەتەوە؛ ئیسرائیل تەنیا زانیاری لەسەر هێرشەکە بە ئەمریکا داوە، بەڵام داوای داگیرسانی گڵۆپی سەوزی لێنەکردووە.