بۆچی نرخی زێڕ زیاتر بەرزدەبێتەوە؟

ئاڤا نیوز

 

تاوەکو دێت نرخی زێڕ لە بازاڕەكانی جیهاندا بەرزتر دەبێتەوە، مانگی ڕابردوو ژمارەی پێوانەیی تۆمار كرد كە لە 100 ساڵی ڕابردوودا هێندە بەرزنەبووەتەوە.

 

وێنە گەورەكە: جارێكی دیكە نرخی زێڕ لە بازاڕەكانی جیهاندا بەرزتر بووەوە، ئێستا یەک ئۆنسە زێڕ بە دوو هەزار و 345 دۆلار مامەڵەی پێوە دەكرێت، شارەزایانی ئابووری دەڵێن، بەرزبوونەوەی نرخی زێڕ كاریگەری گەورەی لەسەر جووڵە ئابوورییە گەورەكان لەجیهاندا دەبێت و مەترسیش لەسەر ئایندەی چەندین وڵات دروستدەكات.

 

ئەوەی پێویستە بیزانیت: نرخی ئۆنسەیەک زێڕ گەیشتووەتە 2 هەزار و 339 دۆلار و 74 سەنت، لەکاتێکدایە کە نرخی زێر بۆ هەشتەمین خولی لەسەریەک تاوەکو ڕۆژی سێشەممە بەرزترین ئاستی تۆماركرد. 

 

هەڵئاوسان زۆرە

ئەو زانیارییانەی  بڵاوكراونەتەوە دەریانخستووە كە هەڵئاوسانی ئەمریكا لە مانگی ئازاردا جارێكی دیكە زۆر بووە، ئەمەش ئەگەری دابەزاندنی نرخەكانی لە مانگی حوزەیراندا زیاتر كردووە. بەپێی داتاكان ئێستا بە ڕێژەی 0.4% بەرزبووەتەوە، كە پێشبینییەكانی بەرزبوونەوەی 0.3%ی تێپەڕاندووە، ئەمەش واتە هەڵئاوسان دۆخەكەی بەرەو خراپتر بردووە.

 

كڕیار زۆر بووە

كڕیارێكی زۆر لەسەر زێڕ هەیە، ڕۆژهەڵاتی ناوەڕاست، ئۆكراینا، چین هۆكارن بۆ ئەوەی هەڵئاوسان زیادبێت و نرخەكە بەمشێوەیە بگۆڕێت، ئێستا قازانجی جیهانی لەسەر زێڕ گەیشتووەتە %14 ئەوە مەترسییەكی گەورە دروستدەكات.