لە تورکیا 1177 کۆچبەری نایاسایی دەستگیرکران

ئاڤا نیوز

وەزارەتی ناوخۆی تورکیا دەستگیرکردنی 1177 کۆچبەری نایاسایی ڕاگەیاند.

 

وێنە گەورەکە: لە ئۆپەراسیۆنێکی گەڕان و پشکنین بۆ کۆچبەرانی نایاسایی، لەکۆی زیاتر لە 22 هەزار بیانی نیشتەجێی تورکیا، 1177 کەسیان کۆچبەری نایاسایی دەرچوون.

 

لێدوانی فەرمی: عەلی یەرلیکایا، وەزیری ناوخۆی تورکیا گوتی: ئەوانەی دەستبەسەرکراون ڕادەستی بەڕێوبەرایەتی بەڕێوەبردنی کۆچبەری پارێزگا کران و ڕێکارەکانی دیپۆرتکردنەوە دەستیپێکرد.

 

ئەوەی پێویستە بیزانیت: ئۆپەراسیۆنەکە لە ماوەی پێنج ڕۆژی یەکەمی جەژندا دەستیپێکردووە و تاوەکو تەواوبوونی پشووی جەژن بەردەوام دەبێت.

 

باکگراوند: بەگوێرەی ئامارە فەرمییەکانی تورکیا، نزیکەی چوار ملیۆن پەنابەر لەو وڵاتە نیشتەجێن کە بەشی زۆرینەیان خەڵکی سووریان.