ئیسرائیل تیمی ڕۆژنامەوانی كەناڵێكی فەرمی تورکیا لە غەززە دەكاتە ئامانج

ئاڤا نیوز  

ئیسرائیل ئۆتۆمبێلی ژمارەیەک ڕۆژنامەنووسی كەناڵی " TRT" ی فەرمی توركیا  لە غەززە کردە ئامانج، بەرپرسانی توركیا دەڵێن هێرشەكە بە مەبەست بووە.

چیرۆکی سەرەکی: ئۆتۆمبێلی تیمی بەشی عەرەبی كەناڵی "TRT " ی توركیا کە خۆی ئامادە دەکرد بۆ پەخشکردن لە کەمپێكی غەززە، لەلایەن سوپای ئیسرائیلەوە هێرشی کرایە سەر، سامی شەهادە کە وەک کامێرامان کاری کردووە، بە سەختی بریندار بووە و نەشتەرگەری بۆ کراوە. سامی بێرهوم، پەیامنێر، بەبێ هیچ زیانێک ڕزگاری بووە.

کاریگەری و لێکەوتەکان: بەرپرسانی تورکیا دەڵێن: هێرشەکە بە "مەبەست" بووە و لەم تاوانە بێدەنگ نابن.

ئەوەی ئێستا ڕوودەدات: تا دێت نێوانی ئیسرائیل و تورکیا ئاڵۆزتر دەبێت، ئەو هێرشەی ئیسرائیل دوای بڕیاری تاکلایەنە ڕاگرتنی هەناردەی بازرگانی تورکیا بۆ ئیسرائیل دێت.

باکگراوند: بەگوێرەی زانیارییەکانی نووسینگەی میدیایی حکومەتی غەززە، لە هێرشەکانی ئیسرائیل بۆ سەر کەرتی غەززە، تاوەکو ئێستا 140 ڕۆژنامەنووس گیانیان لەدەستداوە.

ئەوەی پێشبینی دەکرێت: لەگەڵ زیادبوونی گرژییەکان، پێشبینی دەکرێت تورکیا ڕێکاری بازرگانی و ئابووری دیکە لە دژی ئیسرائیل بگرێتە بەر.