لە تورکیا 186 کەس 23 کاتژمێر لەنێو تەلەفریکدا گیریان خوارد

ئاڤا نیوز

بەهۆی کەشوهەوای ناجێگیر و  ڕەشەبای تووند، لە شاری ئەنتاڵیا گرفت بۆ تەلەفریکێک دروست بوو، بەهۆیەوە کەسێک گیانی لەدەست دا و 13 کەسیش برینار بوون، 186 کەسیش گیریان خوارد.

چیرۆکی سەرەکی: دوێنێ ئێوارە لە پارکێکی گەشتیاری لە شاری ئەنتاڵیای تورکیا، بەهۆی ڕەشەبای تووندەوە گرفت بۆ تەلەفریکێک دروست بوو.

زانیاریی زیاتر: یەکێک لە کابینەکانی تەلەفریکەکە بە چەند سەرنشینێکەوە کەوتووەتە خوارەوە، بەهۆیەوە کەسێک گیانی لەدەست داوە، بە کۆی گشتی ڕووداوەکەش 13 کەس بریندار بوون.

ڕاگەیێنراوی فەرمی: وەزارەتی دادی تورکیا ڕایگەیاندووە، لێکۆڵینەوە لە ڕووداوەکە دەستی پێکردووە و 13 کەس لە بەرپرسانی شوێنە گەشتیارییەکە دەستبەسەر کراون.

ئەوەی پێویستە بیزانیت: سەرجەم کابینەکانی دیکە بە 186 سەرنشینەوە بۆ ماوەی 23 کاتژمێر لە هەوادا ماونەتەوە و پەیتا پەیتا لە ڕێگەی هەلیکۆپتەرەوە ڕزگار کراون.