نەتانیاهۆ و هاوژینەکەی لە ترسی هێرشی ئێران ماڵ چۆڵ دەکەن

ئاڤا نیوز

بنیامین نەتانیاهۆ، سەرۆکوەزیرانی ئیسرائیل و هاوژینەکەی ماڵەکەی خۆیان چۆڵ کردووە و چوونەتە ماڵی هاوڕێیەکیان کە خانووەکەی پارێزبەندی مووشەکی تێدایە.

چیرۆکی سەرەکی: لە سەروبەندی هێرشی ئێران بۆ سەر ئیسرائیل، بەگوێرەی هەواڵێکی ئاژانسی ئەکسیۆس، نەتانیاهۆ خێزانەکەی بردووەتە ماڵی سیمۆن فالێک لە قودس کە ملیاردێرێکی یەهوودی- ئەمریکییە و ماڵەکەی بۆ هێرشە مووشەکییەکان پارێزراوترە.

ئەوەی پێویستە بیزانیت: فالێک یەکێکە لە دیارترین دەوڵەمەندە نزیکەکانی نەتانیاهۆ و لەڕووی سیاسی و داراییەوە پاڵپشتی دەکات.

هۆکارە زانراوەکان: ئەم پێشهاتانە لەکاتێکدان هەواڵەکان باس لەوە دەکەن ئێران لەڕێگەی دەیان درۆنی مووشەکی بۆمبڕێژکراوەوە هێرشی بۆ سەر ئیسرائیل دەستپێکردووە، نەتانیاهۆش دەڵێت بۆ هەموو هێرشێک ئامادەن.