ئەپیکور پێشوازی لە هەوڵی بایدن و سوودانی لەبارەی هەناردەکردنەوەی نەوت دەکات

ئاڤا نیوز

 

كۆمەڵەی پیشەسازی نەوتی كوردستان ڕاگەیێنراوێکی لەسەر کۆبوونەوەکەی سوودانی و بایدن بڵاوکردەوە و ئاماژە بەوەدەدات، "ئامادەین بۆ دەستپێکردنەوەی هەناردەی نەوتی هەرێمی کوردستان."

 

وێنە گەورەکە: بایدن و سوودانی لە چوارچێوەی کۆبوونەوەیان لە کۆشکی سپی جەختیان لە دەستپێکردنەوەی هەناردەی نەوتی هەرێمی کوردستان لە ڕێگەی بەندەری جەیهانی تورکیا کردەوە، کە لە مانگی سێی ساڵی ڕابردووەوە ڕاگیراوە.

 

لێدوانی فەرمی: مایڵز کاگینز، گوتەبێژی ئەپیکور ڕایگەیاند: "ئامادەین بۆ گفتوگۆکردن لەسەر دەستپێکردنەوەی هەناردەی نەوت، لەهەمانکاتدا پاراستنی مەرجە داراییەکان لەگەڵ پێدانی پارەی نەوتى ڕابردوو و داهاتوو بە ڕێككەوتنی نوسراو". 

 

ئەوەی پێویستە بیزانیت: ئەپیکور ئاماژەی بەوە داوە کە بە قەبارەی 10 ملیۆن دۆلار وەبەرهێنانیان لە سێکتەری نەوت و غازی هەرێمی کوردستان و عێراق کردووە، کە هاوکار بووە بۆ ئەوەی سوودانی ئامانجەکانی لە پرسی وزە زامن بکات.