نرخی زێڕ و نەوت دابەزی

ئاڤا نیوز 

 

ئەمڕۆ نرخی نەوت و زێر لە بازاڕەکانی جیهاندا دابەزی و نرخی یەک ئۆنسە زێڕ بە دوو هەزار و 334 دۆلارە و نرخی یەک بەرمیل نەوتیش نزیکەی دۆلارێک دابەزی.

 

وێنە گەورەکە: بەهۆی ئاڵۆزییەکانی دەریای سوور و هێرشە بەردەوامەکانی ئیسرائیل بۆ سەر کەرتی غەززە و لوبنان و کەمی خواست لەسەر نەوت، ئەمڕۆ لە بازاڕەکانی جیهاندا نرخی نەوت بە دۆلارێک کەمتر لە دوێنێ مامەڵەی پێوە دەکرێت و زێڕیش دابەزینی بەرچاوی بە خۆیەوە بینیوە.

 

کاریگەری و لێکەوتەکانی: دابەزینی نرخی زێڕ و نەوت کاریگەریی ڕاستەوخۆی لەسەر بازاڕی جیهانی هەیە و هۆکارێکی سەرەکییە بۆ لاوازی جووڵە لە بازاڕەکانی جیهان.

 

ژمارەکان وا دەڵێن:
نرخی نەوت لە بازاڕەکانی جیهاندا بەم شێوەیەیە:
نرخی یەک بەرمیل نەوتی برێنت بە 88 دۆلار و 71 سەنتە
نرخی یەک بەرمیل نەوتی ئۆپیک 88 دۆلار و 77 سەنتە
نرخی یەک بەرمیل نەوتی تێکساس 83 دۆلار و 19 سەنتە