سەرۆکی شاندی شانشینی ئوردن: هەرێمی کوردستان نموونەیەکە بۆ پێشکەوتن

ئاڤا نیوز

سەرۆکی شاندی ئوردن ڕایگەیاند، وڵاتەکەیان خوازیارە هەرێمی کوردستان پێشبکەوێت و بە نموونەیەکی پێشکەوتن دەبینن.

وێنە گەورەکە: دیداری خوێندنی باڵای ئوردن - کوردستان، لە شاری هەولێر بە دروشمی (وێناکردنی ئایندە لە ڕێگەی پەرەپێدانی بەردەوام) بە بەشداری سەرۆکوەزیران بارزانی و 80 زانکۆ و دامەزراوەی زانستی بەڕێوەدەچێت.

لێدوانی فەرمی: مەئمون محەممەد - سەرۆکی شاندی شانشینی ئوردن گوتی: پەیوەندییەکانی ئوردن و هەرێمی کوردستان چوونەتە قۆناغێکی نوێوە، ئەوان لە هەرێمی کوردستانین و چاوەڕوانی هەماهەنگییەکی بەرهەمدارن.

زانیاریی زیاتر: شاندەکەی ئوردن چەند ڕۆژێک لە هەرێمی کوردستان دەبێت و  کار دەکرێت بۆ پێشخستنی پەیوەندی و هەماهەنگییەکان لە بواری خوێندنی باڵا و توێژینەوەی زانستی، ئوردن بە شانازییەوە دەڕوانێتە پێشکەوتنی هەرێمی کوردستان کە نموونەیە و ئەمەش متمانەمان پێدەبەخشێت. سەرۆکی شاندی شانشینی ئوردن وا دەڵێت.