ئەردۆغان سوپاسی حەماس دەکات

ئاڤا نیوز

 

وەڵامی بەڵێی حەماس بۆ ئاگربەستی غەززە کاردانەوەی خێرای لێکەوتەوە و ئەردۆغان دەڵێت، چاوەڕێی هەمان هەڵوێست لە ئیسرائیل دەکەین.

 

وێنە گەورەکە: لە یەکەم کاردانەوەی بڕیارەکەی حەماس، تورکیا هاتە سەر هێڵ و خۆشحاڵی خۆی بۆ ئەو هەڵوێستەی بزووتنەوەکە ڕاگەیاند.

 

لێدوانی فەرمی: ڕەجەب تەیب ئەردۆغان، سەرۆککۆماری تورکیا گوتی: "خۆشحاڵ بووین کە حەماس ڕایدەگەیەنێت ئاگربەستەکەی قبوڵکردووە، ئەوە دوای پێشنیازەکانی ئێمە بووە، ئێستاش پێویستە ئیسرائیل هەمان هەنگاو بنێت، داوا لە هەموو وڵاتانی ڕۆژئاوا دەکەم گوشار بخەنە سەر ئیسرائیل".

 

ئەوەی پێویستە بیزانیت: لە سەرەتای شەڕی  غەززە، هەر زوو تورکیا لایەنگیری حەماس دژایەتی ئیسرائیلی ڕاگەیاندووە.