دانەغاز: حکومەتی هەرێمی کوردستان و عێراق ڕێکاری پێویستیان بۆ دابینکردنی ئاسایشی کۆرمۆر گرتووەتەبەر

ئاڤا نیوز

 

کۆمپانیای دانەغازی ئیماراتی لەبارەی هێرشەکانی سەر کۆرمۆر ڕایگەیاند، هەردوو حکومەتی هەرێمی کوردستان و عێراق ڕێکاری پێویستیان بۆ دابینکردنی ئاسایشی زیاتر بۆ کێڵگەکە گرتووەتەبەر. 

 

ڕاپۆرتی فەرمی: کۆمپانیای دانەغازی ئیماراتی لە ڕاپۆرتێکدا ئاشکرای کردووە، لە ماوەی چارەگی یەکەمی ساڵی 2024 داهاتی کۆمپانیاکە لە هەرێمی کوردستان و میسر 97 ملیۆن دۆلار بووە و 38 ملیۆن دۆلاریش قازانجی هەبووە.

 

زانیاریی زیاتر: کۆمپانیاکە ڕۆژانە 500 ملیۆن پێ سێجا غاز و 38 هەزار و 600 بەرمیلی ڕۆژانەی بەرهەمهێنانی نەوتیشی لە کێڵگەی کۆرمۆر هەبووە. 67 ملیۆن دۆلاری وەک شایستەی دارایی لە حکومەتی هەرێمی کوردستان وەرگرتووە.

 

گۆشەیەکی دیکەی دیمەنەکە: لەبارەی هێرشەکەی سەر کۆرمۆر کۆمپانیاکە دەڵێت: دوای ڕاگرتنی کارەکان بۆ ماوەی چەند ڕۆژێک، حکومەتەکانی هەرێمی کوردستان و عێراق ڕێکاری پێویستیان گرتووەتەبەر بۆ دابینکردنی ئاسایشی زیاتر و بەرزکردنەوەی توانای بەرگری.