مقاوەمەی ئیسلامی باشووری ئیسرائیل بۆردوومان دەکات

ئاڤا نیوز

 

لە چوارچێوەی بەردەوامیی هێرشەکانی ئیسرائیل بۆ ڕەفەح، میلیشیا عێراقییەکانی نزیک لە ئێران لەڕێگەی مووشەکەوە باشووری ئیسرائیل بۆردوومان دەکەن.

 

ڕاگەیێنراوی فەرمی: ئەو گرووپە کە خۆیان بە "مقاوەمەی ئیسلامی لە عێراق" ناساندووە، لە ڕاگەیێنراوێکدا ئاشكرایان کردووە، ئێوارەی ڕۆژی سێشەممە "چەند ئامانجێکی گرنگ"ـیان لە باشووری ئیسرائیل بۆردوومان کردووە.

 

بۆچوونی لایەنی بەرامبەر: بە گوێرەی هەواڵێکی ڕۆژنامەی "هارتز"ـی ئیسرائیلی، شارەوانیی ئیلات لە زاری سەرچاوە ئەمنییەکانەوە ڕایگەیاندووە، "دوو ئامانجی گوماناوی" لە کەنداوی ئیلات ڕێگرییان لێکراوە، بەبێ ئەوەی وردەکاریی زیاتر بخاتەڕوو.

 

باکگراوند: گرووپە چەکدارەکە لە ماوەی ڕابردووشدا بنکە سەربازییەکانی ئەمریکای لە عێراق و سووریا کردووەتە ئامانج، وەک وەڵامدانەوەیەک بۆ هێرشەکانی ئیسرائیل بۆ سەر غەززە.