حکومەت بە غازی کێڵگەکان ڕۆژانە 250 مێگاوات کارەبا بەرهەم دەهێنێت

ئاڤا نیوز

 

سەرۆکوەزیران بارزانی لەپێناو پاکڕاگرتنی ژینگە و پەرەدان بە کەرتی ئابووریی هەرێمی کوردستان، بڕیاری قەدەغەکردنی سووتاندنی گازی کێڵگەکانی دا کە ڕۆژانە زیاتر لە 100 ملیۆن مەتر سێجا گازی زیانبەخش دەسووتێنرا.

 

لێدوانی فەرمی: شەهریار شێخ لەر، پسپۆڕی نەوت و گاز بە ئاڤا نیوزی ڕاگەیاند: "بڕیارەکەی سەرۆکوەزیران بارزانی دوو کاریگەریی باشی هەیە، یەکەم یارمەتیی ژینگە و پاکڕاگرتنی دەدات، دووەم گازەکە کۆ دەکرێتەوە و بۆ بەرهەمهێنانی کارەبای ناوخۆ بەکار دەهێنرێت".

 

شێوازی جێبەجێکردنی: کاتێک سەرۆکوەزیران بارزانی بڕیاری دا گازی زیانبەخشی کێڵگەکانی نەوت نەسووتێنرێت، بە نموونە کۆمپانیای کار گازە زیانبەخشەکانی کۆ کردەوە، قەبارەی ئەو گازەی ئێستا بۆ بەرهەمهێنانی کارەبا بەکاری دەهێنێت، زیاتر لە 75 ملیۆن مەتر سێجایە کە بە هۆیەوە 250 مێگاوات کارەبا لە یەک ڕۆژدا بەرهەم دەهێنێت. 

 

کاریگەری و لێکەوتەکانی: لەگەڵ بڕیارەکەی سەرۆکوەزیران بارزانی، کێڵگەکانی شێخان لە ناوچەی دهۆک پڕۆژەیان بۆ دیاری کرد، بەڵام بەهۆی هەناردەنەکردنی نەوت و نەبوونی داهات جێبەجێ نەکراون، لەگەڵ هەناردەکردنەوەی نەوت، ئەم پڕۆژانەش دەست بە جێبەجێکردنیان دەکرێت.