سەردانیکردنی شوێنی نەورەسەکان قەدەغە دەکرێت

ئاڤا نیوز

 

 پۆلیسی دارستان و ژینگەی ڕاپەڕین بڕیاری دا بە قەدەغەکردنی سەردانیکردنی هاونیشتمانییان و ڕۆژنامەنووسان بۆ شوێنی نەورەسەکان لە دەریاچەی دووکان.

 

لێدوانی فەرمی: شۆڕش کاکە، بەڕێوەبەری پۆلیسی دارستان و ژینگەی ڕاپەڕین بە ئاڤا نیوزی گوت: "بۆ پاراستنی تەندروستیی هاونیشتمانییان و ڕۆژنامەنووسان تاوەکو دەرچوونی ئەنجامی پشکنینەکان، بڕیاری قەدەغەکردنی سەردانی شوێنەکەمان داوە".

 

زانیاریی زیاتر: بەڕێوەبەرایەتیی ڤێرتێرنەری ڕاپەڕین و لیژنەیەکی باڵا لە تاقیگەی ناوەندی - هەولێر، سەردانی شوێنەکەیان کردووە و نموونەی نەورەسەکانیان وەرگرتووە و پشکنینی بۆ دەکرێت.

 

گومانەکان چین؟ ئەو پزیشکانە گومانی بڵاوبوونەوەی ڤایرۆس دەکەن لەنێو نەورەسەکان و شارەزایانیش گۆڕانکارییە ژینگەییەکان بە هۆکاری بڵاوبوونەوەی نەخۆشییەکە دەزانن. 

 

باکگراوند: لە هەشتی ئەم مانگەوە، نەخۆشییەک لەنێو نەورەسەکانی دەریاچەی دووکان بڵاوبووەتەوە و بەهۆیەوە ژمارەیەکی زۆریان مرداربوونەوە.