20 هەزار گوڵ لە شەقامەکانی هەولێر دەچێنرێن

ئاڤا نیوز

 

بەڕێوەبەرایەتی ئەندازەی پارکەکانی هەولێر 20 هەزار گوڵی وەرزی لە شەقامەکانی هەولێر دەچێنێت و بڕیارە تاوەکو کۆتایی ئەمساڵ 150 هەزار نەمام بچێنرێن.

 

وێنە گەورەکە: لە ماوەی پێنج ساڵدا 800 هەزار مەتر دووجا لە پارێزگای هەولێر سەوزکراوە، هەموو وەرزێک هەڵمەتی چاندنی نەمام بەڕێوەدەچێت، لەم وەرزە 20 هەزار گوڵی قەدیفە دەچێنرێت.

 

لێدوانی فەرمی: ڕێبین ئەحمەد، بەڕێوەبەری ئەندازەی پارکەکانی هەولێر بە ئاڤا نیوزی ڕاگەیاند، "لە ماوەی کابینەی نۆیەم بە پلان کار لەسەر سەوزکردنی سەرجەم گەڕەکەکانی هەولێر کراوە، لە ماوەی پێنج ساڵی ڕابردوو ڕێژەی سەوزایی 2.5% لە سنووری پارێزگای هەولێر زیادیکردووە."

 

زانیاریی زیاتر: بە پێوەری ستاندارد، ساڵانە سەوزایی بە ڕێژەی 0.5% زیاد دەبێت لە دوای ساڵی 2005 ـەوە ڕێژەی سەوزایی هەولێر لە 3%ـەوە بۆ 20% بەرزکراوەتەوە.