تانکەکانی ئیسرائیل چوونە ناو ڕەفەح

ئاڤا نیوز

 

سەرەڕای هەموو هۆشدارییە نێودەوڵەتییەکان، سوپای ئیسرائیل دەستیکرد بە چوونە ناو شاری ڕەفەح لە باشووی غەززە.

 

وێنە گەورەکە: دوای ئەوەی سوپای ئیسرائیل هێزێکی زۆری لە دەرەوەی ڕەفەح کۆکردەوە، سنوورەکانی داخست و نزیکەی نیو ملیۆن لە خەڵکەکەی ڕاگواست، ئێستا تانکەکانی سوپا بەرەو ناوەوەی ڕەفەح ڕۆشتوون. سوپای ئیسرائیل گەیشتووەتە گەڕەکەکانی جەنینە، سەلام و بەرازیل و سەرجەم ئەو جادانەیان وێران کردووە کە پیایدا تێپەڕێوون. 

 

زانیاریی زیاتر: هێزەکانی ئیسرائیل لە ڕێگەی درۆنەوە کەمپی جەبالیای ئاوارەکانی بۆردومان کردووە و ژمارەیەکی زۆریان ناچار بوون جارێکی دیکە ئاوارە ببنەوە و بەرەو دەریا بڕۆن. 

 

لەلایەکی دیکەوە: ئاژانسی ئونراوای سەر بە نەتەوە یەکگرتووەکان ڕایگەیاند خەڵکی ڕەفەح بە دەست ماندووێتی و برسییەتی تووندەوە دەناڵێنن و تاکە ئومێدێک کە هەبێت ڕاگەیاندنی ئاگربەستە.