تونجەر بەکرهان: نزا دەکەم دادگە لەژێر کاریگەریی سیاسی بڕیار نەدات

ئاڤا نیوز

 

تونجەر بەکرهان، هاوسەرۆکی دەمپارتی لە بەردەم باڵەخانەی دادگەی سزا قورسەکانی سینجان لە ئەنقەرە، ئامادەبوو و داوای بڕیاری بێتاوانی دەمیرتاشی کرد.

 

وێنە گەورەکە: سەڵاحەدین دەمیرتاش و فیگەن یوکسەکداغ، هاوسەرۆکانی پێشووتری هەدەپە و 108 ئەندام و بەرپرسانی هەدەپە دادگەیی دەکرێن، کە 18 کەسیان ئێستا لە زینداندان.

 

لێدوانی فەرمی: تونجەر بەکرهان، هاوسەرۆکی دەمپارتی بۆ ڕۆژنامەوانان گوتی: "دۆسیەی کۆبانێ دەبێتە خاڵی وەرچەرخان بۆ ئەوانەی ئەمڕۆ باس لە ئاساییکردنەوە و نزیککردنەوەی پەیوەندییەکان دەکەن، هیوادارم و نزا دەکەم دادگە لەژێر کاریگەریی دەسەڵاتی سیاسیدا بڕیار نەدات".

ئەوەی پێویستە بیزانیت: لایەنگرانی دەمپارتی، ئەمە بە دۆسیەیەکی پیلانگێڕیی سیاسی ناو دەبەن.

 

باکگراوند: لە ساڵی 2016، حکومەتی تورکیا ئۆپەراسیۆنێكی بەرفراوانی بۆ سەر هەدەپە دەست پێکرد، هاوسەرۆکان و ژمارەیەکی زۆر لە پەرلەمانتارانی ئەو پارتە دەستبەسەرکران و دواتر بەبڕیاری دادگە، خرانە زیندانەوە.