ئەفغانستان.. بە هۆی شەپۆلێکی بارانبارینەوە دەیان کەس گیانیان لەدەست دا

ئاڤا نیوز

بە هۆی لافاوەوە لە ناوچەی غۆر لە ڕۆژئاوای ئەفغانستان، لانیکەم 50 کەس گیانیان لەدەست دا و ژمارەیەکی دیکەش بێ سەروشوێن بوون. هەفتەی ڕابردووش سەدان کەس بە هەمان هۆکار گیانیان لەدەست دا. 

وێنە گەورەکە: بە هۆی بارانی بەخوڕ و کەوتنەوەی لافاو، نزیکەی دوو هەزار خانوو ڕووخاون و هەزاران خانوو و دووکانی دیکەش زیانیان بەرکەوتووە و ژمارەیەک ڕێگەی سەرکیی پارێزگای بەغلانیش داخراون. 

ئەوەی پێویستە بیزانیت: ئەفغانستان یەکێکە لەو وڵاتانەی کە لە بەردەم گۆڕانەکانی ئاووهەوا لاوازە و گۆڕانەکان زیانی جددی پێ دەگەیێنێت.