لێدوانی وەزارەتی دەرەوەی ئەمریکا لەبارەی ڕووداوی هێلیکۆپتەرەکەی سەرۆککۆماری ئێران

ئاڤا نیوز

 

وەزارەتی دەرەوەی ئەمریکا ڕایدەگەیێنێت، لە نزیکەوە بەدواداچوون بۆ ئەو ڕاپۆرتانە دەکەن کە سەبارەت بە ئەگەری نیشتنەوەی تووندی هێلیکۆپتەرەکەی سەرۆککۆماری ئێران گەیشتوون. 

 

لێدوانی فەرمی: گوتەبێژی وەزارەتی دەرەوەی ئەمریکا ڕایگەیاند: سەرۆک ئەرکانی هێزە چەکدارەکان لەگەڵ فەرماندەیی ناوەندی لە پەیوەندیدان بۆ بەدواداچوون بۆ پێشهاتەکانی ئێران.

 

زانیاریی زیاتر: ئەو گوتەبێژە ئەوەشت گوت، لە نزیکەوە چاودێری ئەو هەواڵانە دەکەین کە دەگوترێت، ڕەنگە هێلیکۆپتەرەکەی سەرۆککۆمار و وەزیری دەرەوەی ئێران تووشی کێشەی نیشتنەوە بووبێت.

 

لەلایەکی دیکە: کۆشکی سپی ڕایگەیاند، سەرۆک بایدن بەدواداچوون بۆ دوایین پێشهاتەکان پەیوەست بە ڕووداوی فڕۆکەکەی سەرۆککۆماری ئێران دەکات.