پەیامی هاوخەمی سەرۆکی هەرێمی کوردستان بۆ گیانلەدەستدانی سەرۆککۆماری ئێران

ئاڤا نیوز 

 

نێچیرڤان بارزانی، سەرۆکی هەرێمی کوردستان لە پەیامێکدا هاوخەمی خۆی بۆ گیانلەدەستدانی ئیبراهیم ڕەئیسی سەرۆککۆماری ئێران دەربڕی و ڕایگەیاند، گيانله‌ده‌ستدانى خوالێخۆشبوو ڕه‌ئيسى خه‌مێكى به‌ ئازار و زيانێكى گه‌وره‌يه‌. 

 

چیرۆکی سەرەکی: ئێوارەی ڕۆژی یەکشەممە 19-05-2024 ئیبراهیم ڕەئیسی لە کاتی گەڕانەوەی بۆ تاران، لە خاڵێکی سنووریی تەورێز بەهۆی "خراپیی کەشوهەوا" هێلیکۆپتەرەکە ون بوو و دوای 18 کاتژمێر لە گەڕان، هێلیکۆپتەرەکە بە تێكشکاوی دۆزرایەوە و سەرۆککۆمار و یاوەرەکانیشی گیانیان لەدەست دا. 

 

پەیامی هاوخەمی: نێچیرڤان بارزانی، سەرۆکی هەرێمی کوردستان لە پەیامێکدا ڕایگەیاند: له‌م كاته‌ سه‌خت و دژواره‌دا له‌ دڵه‌وه‌ هاوخه‌مى و هاوسۆزيى قووڵمان له‌گه‌ڵ ڕابه‌رى كۆمارى ئيسلامى سه‌يد عه‌لى خامه‌نه‌يى و سه‌ركردايه‌تى و حكومه‌ت و گه‌لى ئێرانى دۆست و دراوسێ و خانه‌واده‌ به‌ڕێزه‌كانياندا ده‌رده‌بڕين. له‌ خواى مه‌زن داواكارين گيانى خوالێخۆشبووان به‌ به‌زه‌يى و ميهره‌بانيى خۆى شاد بكات و ئارامى و دڵنه‌وايى به‌ هه‌مووان ببه‌خشێت.

 

درێژەی پەیام: لە پەیامەکەی نێچیرڤان بارزانیدا هاتووە، "گيانله‌ده‌ستدانى خوالێخۆشبوو سه‌رۆک ڕه‌ئيسى خه‌مێكى به‌ ئازار و زيانێكى گه‌وره‌يه‌ بۆ كۆمارى ئيسلامى و گه‌لى موسڵمانى ئێران و دۆستانى، به‌ڵام دڵنياين گه‌لى جوامێرى ئێران و كۆمارى ئيسلامى ئه‌م كۆسته‌ش تێده‌په‌ڕێنن. خواى مه‌زن يارمه‌تيده‌ر و پارێزه‌رى هه‌مووان بێت و يادى خوالێخۆشبووان به‌ خێر".