سەرۆکوەزیران بارزانی هاوخەمی بۆ گیانلەدەستدانی سەرۆککۆماری ئێران دەردەبڕێت

ئاڤا نیوز

 

سەرۆکوەزیران بارزانی لە پرسەنامەیەکدا، سەرەخۆشی و هاوخەمی خۆی ئاراستەی ئێران دەکات بۆ کۆچی دوایی ئیبراهیم ڕەئیسی، سەرۆککۆماری ئێران و حوسێن ئەمیر عەبدوڵڵاهیان وەزیری دەرەوە و ژمارەیەک لە بەرپرسانی دیکە کە لە ڕووداوی تێکشکانی هێلیکۆپتەرەکەیان گیانیان لە دەست دا. 

 

چیرۆکی سەرەکی: ئێوارەی ڕۆژی یەکشەممە 19-05-2024 هێلیکۆپتەری ئیبراهیم ڕەئیسی لە کاتی گەڕانەوەی بۆ تاران، لە خاڵێکی سنووریی تەورێز بەهۆی "خراپیی کەشوهەوا" ونبوو و دوای 18 کاتژمێر لە گەڕان، هێلیکۆپتەرەکە بە تێكشکاوی دۆزرایەوە و سەرۆککۆمار و یاوەرەکانیشی گیانیان لەدەست دا. 

 

پەیامی هاوخەمی: سەرۆکوەزیران بارزانی پرسە و سەرەخۆشی و هاوخەمی قووڵی خۆی ئاراستەی ڕێبەرایەتی و حکومەت و خەڵکی ئێران دەکات و دەڵێت: لەم کاتە سەختەدا، هاوخەمی و هاوپشتی خۆمان لەگەڵ خەڵکی کۆماری ئیسلامی ئێران دووپات دەکەینەوە.