15 هەزار تۆن بەرهەمی کشتوکاڵیی دهۆک هەناردەی دەرەوە کراوە

ئاڤا نیوز

 

کابینەی نۆیەمی حکومەتی هەرێمی کوردستان بووەتە خێر و بەرەکەت بۆ جووتیارانی دهۆک و ئەمساڵ نزیکەی 15 هەزار تۆن بەرهەمی کشتوکاڵی هەناردەی دەرەوە کراوە.

 

بۆچی گرنگە: کشتوکاڵ یەکێکە لە پێگە سەرەکییەکانی بەهێزکردنی ئابووری وڵات و بەبازارکردنشی بۆ دەرەوە ئەرکێکی گرنگی حکومەتە، جگە لە هەناردەکردنی پێداویستی ناوخۆشی پڕ کردووەتەوە. لە کابینەی نۆیەمی حکومەتی هەرێمی کوردستان گرنگییەکی زۆر بە کشتوکاڵ دراوە و یەکێک بووە لە پلانە سەرەکییەکانی ئەم کابینەیە.

 

لێدوانی فەرمی: ئەحمەد جەمیل، بەڕێوەبەری گشتیی کشتوکاڵیی دهۆک بە ئاڤا نیوزی ڕاگەیاند: لە کابینەی نۆیەمدا کەرتی کشتوکاڵ لە دهۆک بەرەوپێشچوونێکی زۆری بەخۆیەوە بینوە و پێدەنێتە قۆناغێکی نوێی پیشەسازی و بەبازاڕکردنی بەرهەمەکان، هەروەها لە چوار ساڵی ڕابردوودا نزیکەی 15 هەزار تۆن بەرهەمی کشتوکاڵی هەناردەی دەرەوەی وڵات کراوە.

 

زانیاری زیاتر: ئەو بەرهەمانەی لە سنووری پارێزگای دهۆک هەناردەی دەرەوەی وڵات کراون بریتین لە پەتاتە، سماق، مازوو، برنج، هەنگوین، تەحین و سێو.

 

ئەوەی پێویستە بیزانیت: لە چوارچێوەی گرنگیپێدانی حکومەتی هەرێمی کوردستان ئەمساڵ نزیکەی شەش هەزار تۆن تەنیا پەتاتە بۆ دەرەوەی وڵات هەناردەکراوە، جگە لەوەش بەهۆی بوونی ژمارەیەکی زۆری ساردکەرەوە ئیستا بەرهەمەکان کۆگا دەکرێن و بەپێی پێویستی دەخرێتە بازاڕەوە.