پارێزگایەكی عێراق چوارەم گەرمترین پارێزگای جیهانە

ئاڤا نیوز

 

لەماوەی 24 کاتژمێری ڕابردوودا پارێزگای زیقار بە پلەی گەرمی 48.8، چوارەم گەرمترین پارێزگار بووە لەسەر ئاستی جیهان.

 

ڕاگەیێنراوی فەرمی: وێستگەی "پلاسەرفیلى"ـی ئەمریکی بڵاوی کردووەتەوە، لە 24 کاتژمێری ڕابردوودا پارێزگای زیقاری عێراق پلەی گەرمی 48.8 پلەی سەدی تێدا تۆمار کراوە، بەمەش پلەی چوارەمی جیهان و یەکەمی عێراقی هەیە لە لیستی گەرمترین پارێزگاكان.

 

زانیاری زیاتر: ڕۆژی هەینی، شاری جاکۆب ئابادی پاکستان گەرمترین شاری جیهان بووە كە پلەی گەرمییەكەی 50.4 بووە و  دوای ئەویش شاری سیدهیی هیندی بووە بە پلەی گەرمی 49.2 و شاری سیبیی پاکستان بە 49 پلە، بووەتە سێیەم پارێزگا لە ڕووی زۆرترین گەرمییەوە.

 

ئەوەی پێویستە بیزانیت: شەپۆلێکی گەرمای زۆر، عێراق و ناوچەکەی گرتووەتەوە و ترسی لێکەوتەی مەترسیداری تەندروستی و ژینگەیی دروست کردووە، ئەم شەپۆلەش بۆ ماوەی چەند ڕۆژێک بەردەوام دەبێت.

 

خشتەی گەرمترین پارێزگاكانی جیهان کە لە لایەن پلاسەرفیلی ئەمریکی بڵاو کراوەتەوە، بەم شێوەیەی خوارەوەیە: