بەڕێوەبەرایەتیی پۆلیسی کارەبای دهۆک: کارەبامان لەسەر 63 باخی زاویتە بڕیوە

ئاڤا نیوز

 

لە ناحیەی زاویتەی سەر بە پارێزگای دهۆک، 63 خاوەن باخ کە بە نایاسایی کارەبایان ڕاکێشاوە سزا دراون، بەڕێوەبەرایەتیی پۆلیسی کارەبای دهۆکیش بەردەوامە لە هەڵمەتەکانی نەهێشتنی سەرپێچی.

 

بۆچی گرنگە: لابردنی زیادەڕەوییەکانی سەر تۆڕەکانی کارەبا، ڕێگری لە بەفیڕۆچوونی کارەبا دەکات و کاریگەری لەسەر زیادبوونی کاتژمێرەکانی پێدانی کارەبا دەبێت.

 

لێدوانی فەرمی: هەڤاڵ حەسەن، بەڕێوەبەری دابەشکردنی کارەبای پارێزگای دهۆک بە ئاڤا نیوزی ڕاگەیاند: تیمەکانیان لەگەڵ بەڕێوەبەرایەتیی پۆلیسی کارەبا هەڵمەتێکی بەدواداچوون و لابردنی زیادەڕۆییان لەسەر تۆڕی کارەبا لە باخەکان دەست پێ کردووە.

 

زانیاریی زیاتر: هەڵمەتەکە باخی گوندەکانی کورا، ڕەشاورێ، دەرگەلێ، مەمانێ و کەمەکا لە سنووری ناحیەی زاویتە ئەنجام دراوە و 63 خاوەن باخ سزا دران کە سەرپێچییان کردووە و بە نایاسایی کارەبایان ڕاکێشاوە.