ئێران ئامادەیی بۆ بەشداریکردن لە "ڕێگەی گەشەپێدان" دەردەبڕێت

ئاڤا نیوز 

ئێران پشتیوانی بۆ هەوڵەکانی عێراق لە جێبەجێکردنی پڕۆژەی ڕێگەی گەشەپێدان دەردەبڕێت و ئامادەیی خۆیشی بۆ بەشداریکردن لە پڕۆژەکەدا پیشان دەدات.

وێنە گەورەکە: ڕێگەی گەشەپێدان یەكێک لە پڕۆژە ستراتیژییە گرنگەكانی عێراق، قەتەر، ئیمارات و تورکیایە، ڕۆژهەڵاتی ناوەڕاست بە ئەوروپا دەبەستێتەوە و 117 کیلۆمەتریشی بە نێو خاکی هەرێمی کوردستاندا تێدەپەڕێت.

 

چیرۆکی سەرەکی: ئەمڕۆ پێنجشەممە لە بەغدا محه‌ممه‌د شیاع سوودانی، سه‌رۆكوەزیرانی عێراق و عەلی باقر کنی، سەرپەرشتیاری وەزارەتی دەرەوەی ئێران کۆبوونەوە.

 

ڕاگەیێنراوی فەرمی: عەلی باقر کنی جەختی لە پشتیوانی وڵاتەکەی بۆ هەوڵەکانی عێراق لە جێبەجێکردنی پڕۆژەی ڕێگەی گەشەپێدانی ستراتیژی کردەوە و ئامادەیی خۆیشی بۆ بەشداریکردن لە پڕۆژەکەدا دەربڕی.