
دیمەنی هاونیشتمانییەک لە کاتی ششتنی دەمووچاوی و خۆ فێنککردنەوە، وێنە: محەممەد شوانی - ئاڤا
ئاڤا نیوز
لەگەڵ هاتنی وەرزی گەرما و زیادبوونی ڕووداوەکانی ئاگرکەوتنەوە، بەرگریی شارستانی هەرێم بە 16 خاڵ، هاووڵاتییان ئاگادار دەکاتەوە و ڕێنوێنییان دەکات.
وێنە گەورەکە: بەمەبەستی خۆپارێزیی و ڕێگریکردن لە ڕووداوەکانی ئاگرکەوتنەوە، بەرگری شارستانی هەرێم داوا لە هاووڵاتییان دەکات ئەم خاڵانە جێبەجێ بکەن.
خاڵەکان بریتین لە:
1 - پێویستە ئۆتۆمبێلەکان دوور بن لەو کەرەستانە: خواردنەوە گازییەکان بەهەموو جۆرەکانیەوە. هەمـوو جۆرە چەرخێک، بوتڵی ئاو، بۆن، پاوەربانک و ئامێرە ئەلیکترۆنیەکان بە گشتی، پێویستەلە کاتی وەستانی پەنجەرەی ئۆتۆمبێل کەمێک بکرێتەوە، پڕنەکردنی تانکی سووتەمەنی ئۆتۆمبێل بە تەواوی، تایەی ئۆتۆمبێل زیاد لە پێویست پڕ مەکەرەوە، بەتایبەتی لە کاتی ڕێگا دوورەکان و گەشتکردن.
2 - خواردنەوەی بڕێکی زۆر ئاو و شلەی جۆراوجۆر بەتایبەت لەکاتی بەرکەوتنی تیشکی خۆردا، بۆ قەرەبووکردنەوەی کەمی شلەمەنی لە لەشدا.
3 - سلندەر (بوتڵی) غازی چێشتلێنان لەبەر تیشکی خۆر دانەنرێت.
4 - دڵنیابوون لەوەی سویچی کارەبا لۆدی زۆریان لەسەر نەبێت، کارنەکردنی فێنککەرەوەکان تەنیا لەو شوێنانە نەبێت کە خێزانەکە یان یەکێک لە ئەندامەکانی ئامادەبن.
5 - وایەرەکانی کارەبا لۆدی زیاد لە توانای دیاریکراوی خۆی نەخرێتە سەری و بەکارنەهێنانی تەقسیمی کارەبایی بۆ چەند ئامێرێک.
6 - دوورکەوتنەوە لە بەرکەوتنی ڕاستەوخۆی تیشکی خۆر بەتایبەتی لە ماوەی کاتژمێر 11:00 بەیانی تاوەکو 03:00 پاش نیوەڕۆە.
7 - کوژاندنەوەی ئامێرە کارەباییە زیادەکان بۆ کەمکردنەوەی باری قورسی سەر تۆڕەکانی کارەبا.
8 - پێویستە خاوەن مۆلیدەکان، گەیەنەری کوالێتی بەرز دابنێن و وایەری جاڵجاڵۆکەی هەڕەمەکی بەکارنەهێنن.
9 - پاشماوەی دروێنەی گەنم و جۆ نەسوتێنرێت بە مەبەستی ئامادەکردنی زەوی بۆ چاندن دووبارە هەر کەسێ هەستێ بە سوتاندنی ڕووبەڕووی لێپرسینەوەی یاسای دەبێتەوە.
10 - بەهەموو جۆرێک مەلەکردن لە ڕووبار و چەمەکان قەدەغەیە جگە مەلەوانگە ڕێگەپێدراوەکان.
11 - دابینکردنی هەموو پێداویستیەکانی خۆپارێزی لە مەلەوانگەکان و ڕێنماییکردنی خاوەن مەلەوانگەکان بە ڕێنمایی و قووڵایی مەلەوانگە.
12 - بەکارهێنانی چەتری پارێزەر لە تیشکی بەتینی خۆر ، ڕاستترین ڕێکارە بۆ سەلامەتی پێستی مرۆڤ.
13 - هەوڵدان بۆ ئاودانی باخ و دارەکان بۆ پاراستنیان، هەروەها باشترکردنی کەشی دەوروبەری باخچەکان.
14 - کارپێکردنی چەندین نافورەی ئاو لە گۆڕەپان و پارکە گشتییە جیاوازەکان بۆ باشترکردنی کەشوهەوای گەرم.
15 - چاندنی زیاتری درەختی هەمیشە سەوز بۆ دابینکردنی سێبەری گونجاو، هەروەها بۆ نەرمکردنی بەرگەهەوا و دابینکردنی ئۆکسجین بۆی.
16 - لە کاتی ڕوودانی هەر حاڵەتێکی لەناکاو لە پارێزگاکانی: هەولێر، سلێمانی، دهۆک، هەڵەبجە و ئیدارە سەربەخۆکانی سۆران، گەرمیان، راپەرین، زاخۆ، ئاکرێ، هاووڵاتییان دەتوانن بەیوەندی بە ژمارە (115) بکەن و لە هەموو هێڵ و تۆڕەکانەوە بەبێ بەرامبەرە.
بۆچی گرنگە؟ جێبەجێکردنی ئەو ڕێنماییانە، دەبێتە هۆی کەمکردنەوەی ڕووداوەکانی ئاگرکەوتنەوە و پاراستنی تەندروستی هاووڵاتییان.
زیاتر لەسەر ئەم بابەتانە بکۆڵەرەوە

ئاڤا دیجیتاڵ
Editor
دوایین هەواڵەکان
- ببینە و ببیستە
- 16 خولەک لەمەوپێش
ئەملاو و ئەولا؛ تا چەند لەناوبردنی سەگی بێلانە دروستە؟
- ببینە و ببیستە
- 17 خولەک لەمەوپێش
بەرنامەی خانەقای ئاڤا لە مزگەوتی گەورەی سلێمانییە
- جیهان
- 28 خولەک لەمەوپێش
سەرۆکوەزیرانی کەنەدا: خیانەتی ئەمریکا لەبیر ناکەین
- جیهان
- 38 خولەک لەمەوپێش
ترەمپ: ناچارم ئەمریکا و هەموو جیهان بەڕێوەببەم
هەڵبژاردەکان بۆ تۆ
قاقێ لە هەولێر دەستگیر کرا؛ کێ بوو و چی کردووە؟
18 کاتژمێر لەمەوپێش
یەکێتیی زانایان داوا دەکات کارئاسانی لە پرۆسەی هاوسەرگیری و مارەیی بکرێت
27 نیسان
شارەزایانی تەندروستی: کاهوو بەکتریای مەترسیدار لەخۆدەگرێت
27 نیسان
لە هەولێر دەنگۆی دروستکردنی تاوەری خەلیفە ڕەتدەکرێتەوە
27 نیسان
سپۆتیفای نرخی بەشداریکردن لە ئەپەکە بەرزدەکاتەوە
27 نیسان
- ژینگە
- 16 کاتژمێر لەمەوپێش
تا کۆتایی مانگی چوار بارانبارین بەردەوام دەبێت