پچڕانی کارەبا لە شارێکی بەریتانیا گەشتە ئاسمانییەکان هەڵدەوەشێنێتەوە

ئاڤا نیوز

بەهۆی پچڕانی كارەباوە لە شاری مانچستەر لە ئینگلتەرا، سەرجەم گەشتە ئاسمانییەكان هەڵوەشێنرانەوە.

وێنە گەورەكە: فڕۆكەخانەی مانچستەر كە یەكێكە لە گەورەترین فڕۆكەخانەكانی ئینگلتەرا و سێیەم گەورەترین فڕۆكەخانەیە، بەهۆی پچڕانی كارەباوە سەرجەم گەشتەكانی هەڵوەشاندەوە و ئەمەش زیانێكی گەورەی بە فڕۆكەخانەكە گەیاند.

ڕاگەیێنراوی فەرمی: دەستەی بەڕێوەبەری فڕۆكەخاتەی مانچستەر ڕایگەیاند:” كارەباكە چاككراوەتەوە، بەڵام تێكچوونی كارەباكە كاریگەری لەسەر تەواوی سیستەمی فڕۆكەخانەكە هەبووە لە بلیت بڕینەوە تا پشكنینی جانتا و بەهۆیەوە نەتوانراوە كارەكان ئەنجامبدەن".

ئەوەی ئێستا ڕوودەدات: فڕۆکەیەکی هێڵی ئاسمانی سەنگافورە کە لە شاری هیوستن لە ئەمریکاوە بۆ مانجستەر دەڕۆشت، ناچار بوو لە فڕۆکەخانەی هێسڕۆ لە لەندەن بنیشێتەوە، فڕۆکەیەکی دیکە لە سەنگافورەوە لە فڕۆکەخانەی گاتویک لە لەندەنیش نیشتەوە، هەروەها گەشتێکی هێڵی ئاسمانی ئیتیحاد لە فڕۆکەخانەی ئەبوزەبیەوە بەرەو فڕۆکەخانەی بیرمینگهام گۆڕدرا.