هەڵوێستی یەکێتی لەبارەی هەڵبژاردن: بەشداری دەکەین

ئاڤا نیوز

 

گوتەبێژی یەکێتی دەڵێت، ئامادەن بۆ هەڵبژاردن بەپێی ئەو وادەیەی دیاریکراوە، دواخستنەوەی ڕەتدەکەینەوە.

 

وێنە گەورەکە: ئەمڕۆ بۆ پێنجەمجار سەرۆکایەتیی هەرێمی کوردستان مەرسوومی دیاریکردنی وادەی بەڕێوەچوونی هەڵبژاردنی پەرلەمانی کوردستانی دەرکرد و ڕۆژی 20-10-2024ـی دەستنیشان کردووە.

 

لێدوانی فەرمی: سەعدی ئەحمەد پیرە، گوتەبێژی یەکێتی لە کۆنگرەیەکی ڕۆژنامەوانیدا ڕایگەیاند، ئەوان پیمان باشبوو هەڵبژاردن زووتر بکرێت، هیوادارن لە دۆخێکی باش و دوور لە زمانی زبر بەڕێوەبچێت، هەموو سیناریۆیەک بۆ دواخستنیشی ڕەتدەکەینەوە.

 

زانیاریی زیاتر: گوتەبێژی یەکێتی ئاماژەی ئەوەش کرد: هەڵبژاردن بە چوار بازنەیی خواستی یەکێتی بوو، پێشیان ناخۆش بوو کورسیی پێکهاتەکان نەمێنێت، هەموو هەوڵێک دەدەین بۆ ئەوەی هەڵبژاردن لەم کاتە دیاریکراوەدا بکرێت. 

 

ئەوەی پێشبینی دەکرێت: زۆربەی لایەنە سیاسییەکانی هەرێمی کوردستان پێشوازی لە وادە نوێیەکەی هەڵبژاردن دەکەن، سەرووی هەمووشیانەوە پارتی و یەکێتی، بۆیە چاوەڕوان دەکرێت لەکاتەکەیدا بەڕێوەبچێت.