سەرۆکوەزیران بارزانی: دەمانەوێت خەڵک بتوانن قەرزی درێژخایەن وەربگرن

ئاڤا نیوز

 

لەبارەی هەژماری منەوە سەرۆکوەزیران بارزانی دەڵێت، پڕۆژەی هەژماری من لە بەرژەوەندیی خەڵکە، بەڵام خەریکن نایێڵن ئەمەش سەر بگرێت و دژایەتی دەکرێت.

 

وێنە گەورەکە: سەرۆکوەزیران بارزانی لە وەڵامی پرسیاری هاووڵاتیێکدا دەڵێت، یەکێک لەو پڕۆژانەی کە ئێمە دەستمان پێکردووە، بابەتی هەژماری منە بۆ ئەوەی چیتر خانەنشین، خاوەن شەهیدێک نەچێت لە سەرەی مووچە بوەستێت، بەپێچەوانەوە بچن لە هەر شوێنێک بیانەوێت و بە ویستی خۆیان مووچەی خۆیان وەربگرن".

 

لێدوانی فەرمی: سەرۆکوەزیران بارزانی ڕایگەیاند: "خەریکن نایێڵن پڕۆژەی هەژماری من سە ربگرێت و دژایەتی ئەمەش دەکرێت، ئەوەی ئێمە دەیکەین بۆ ئێوەیە بۆ چارەسەرکردنی کێشەکانتان".

 

ئەوەی پێویستە بیزانیت: حکومەت بەتەمای دیجیتاڵکردنی سیستەمی دارایی و ئابووریی هەرێمی کوردستانە، بۆ ئەوەی خەڵک بتوانن قەرزی درێژخایەن وەربگرن و نەک بە تەنیا لە حکومەت، بەڵکو لە کەرتی تایبەت و بانکیش.