بەلەمێکی کۆچبەران لە ئیجە نقووم دەبێت و حەوت کۆچبەر دەخنکێن

ئاڤا نیوز 

بەلەمێکی کۆچبەران لە دەریای ئیجە نقوم دەبێت،  19 کۆچبەر  ڕزگار دەکرێن و حەوتیش دەخنکێن، تاوەکو ئێستاش ناسنامەیان ئاشکرا نەکراوە.

 

وێنە گەورەکە: کاتژمێر 10:47 خولەکی ئەمڕۆ سێشەممە، بەلەمێکی کۆچبەران لە شارۆچکەی چێشمەی سەر بە ئیزمیری تورکیا بە 19 سەرنشینەوە نقووم دەبێت، هێزە دەریاییەکان توانیویانە 19 کەسیان ڕزگار بکەن، بەڵام حەوت لەو کۆچبەرانە گیانیان لەدەست داوە.

 

ڕاگەێینراوی فەرمی: وەزارەتی ناوخۆی تورکیا ڕایگەیاند، دوای ئەوەی زانیمان بەلەمێکی کۆچبەران لە دەریای ئیجە نقووم بووە، هێزە دەریاییەکانمان ناردە شوێنی ڕووداوەکە و 19 کەس بەزیندوویی ڕزگار کراون.

زانیاریی زیاتر: وەزارەتی ناوخۆی تورکیا جەخت دەکاتەوە، هێزەکانیان بەردەوام دەبن لە ڕووبەڕووبوونەوەی قاچاخچییان کە دەبنە هۆی خنکان و گیانلەدەستدانی  منداڵ و کەسانی مەدەنی.