نرخی نەوت 6 % بەرزدەبێتەوە

ئاڤا دیجیتاڵ

نرخی نەوت بەراورد بە هەفتەی ڕابردوو 6% بەرزبووەوە ، دوای ئەو ترسەی سەبارەت بە دابینكردنی نەوت لە كێڵگەكانی ڕۆژهەڵاتی ناوەڕاستەوە دروستبوو، لەگەڵ ئەو فشارەی لەسەر بازاڕی وزە دروستبوو بە دووبارەبوونەوەی ڕاگیرانی بەرهەمی پاڵاوگەكان.

وێنە گەورەكە: قووڵبوونەوەی كێشەكانی دەریای سوور و ڕەتكردنەوەی پێشنیاری ئاگربەست لەلایەن ئیسرائیل لە كەرتی غەززەی فەڵەستین، ڕاستەخۆ كاریگەرییان لەسەر نرخی نەوت دروستكردووە و بەوهۆیەشەوە لە هەفتەی ڕابردوودا نرخی نەوت دەستی بە دابەزین كرد.

كاریگەری و لێكەوتەكان: نرخی نەوتی خاوی برێنت 56 سەنت بەرزبووەوە و گەیشتە 82 دۆلار و 19 سەنت، هاوكات نرخی بەرمیلێك نەوتی خاوی تێكساس 62 سەنت بەرزبووەوە و گەیشتە 76 دۆلار و 84 سەنت.

ڕاگەیێنراوی فەرمی: كۆمپانیای بەیكەر هیوز، بۆ خزمەتگوزاری وزە ڕایگەیاند: كۆمپانیاكانی وزەی ئەمریكا ئەم هەفتەیە چوار سەكۆی نەوت و غازیان زیاد كردووە و گەیشتووەتە 623 سەكۆ، ئەوەش بەرزترین ئاستە لە كانوونی دووەمی ڕابردووەوە.