ئەمریکا داوا لە توركیا دەكات فشار بخاتە سەر ئێران

ئاڤا نیوز

كۆشی سپی ئەمریکا د١وا لە توركیا و هاوپەیمانەكانی دەكات فشار بخەنە سەر ئێران بۆ كەمكردنەوەی گرژییەكانیان لەگەڵ ئیسرائیل.

وێنە گەورەكە: ئاڵۆزییەكانی نێوان  ئێران و ئیسرائیل تادێت زیاتر دەبن و ئەمەش مەترسیی هەڵگیرسانی جەنگێکی هەرێمی فراوانی لە ناوچەکە دروستکردووە. ئەمریكا هەوڵ دەدات ئاڵۆزییەكان گەورەتر نەبن و شەڕ ڕوونەدات.

ڕاگەیەنراوی فەرمی: كۆشكی سپی لە ڕاگەیێنراوێكدا داوا لە توركیا و هاوپەیمانەكانی دەكات  فشار بخەنە سەر ئێران بۆ كەمكردنەوەی گرژییەكان و هێورکردنەوەی دۆخەکە.

ئەوەی ئێستا ڕوودەدات: لە تۆڵەی کوشتنی ئیسماعیل هەنیە، سەرۆکی مەکتەبی سیاسیی بزووتنەوەی حەماس، سوپای ئێران هەڕەشەی هێرشی مووشەكی دەكات و چاوەڕوان دەکرێت لە چەند شەوی داهاتوودا هێرشەکە بکات، ئیسرائیلیش دەڵێت ئامادەن بۆ بەرپەرچدانەوەی هەر جۆرە هێرشێک، ئەمریکاش بۆ پشتیوانی ئیسرائیل هێزەکانی لە ناوچەکە زیادکردووە.