بۆ هەناردەکردنەوەی نەوتی کوردستان لیژنەی دارایی عێراق دێتە سەر هێڵ

ئاڤا نیوز

 

سەرۆکی لیژنەی دارایی لە پەرلەمانی عێراق ڕایگەیاند، بۆ چارەسەرکردنی ناکۆکییەکانی پەیوەست بە دۆسیەی هەناردەکردنەوەی نەوتی هەرێمی کوردستان دەستوەردان دەکەن.

 

چیرۆکی سەرەکی: سێشەممە 13-8-2024 کۆبوونەوەی هاوبەشی لیژنەی دارایی پەرلەمان و حکومەت بە نوێنەرایەتیی وەزیرانی پلاندانان، دارایی، نەوت، کارەبا و پارێزگاری بانکی ناوەندی بۆ تاوتوێکردنی سیاسەتی دارایی و دراو بەڕێوەچوو.

 

وێنە گەورەکە: لە کۆبوونەوەکە باس لەو ئاستەنگانە کرا کە ڕووبەڕووی ڕەوشی دارایی وڵات بووەتەوە، هاوکات باس لە دۆسیەی هەناردەکردنی نەوتی هەرێمی کوردستان و پابەندبوونی حکومەتی هەرێمی کوردستان بە ڕادەستکردنی داهاتی نەوتی بە حکومەتی ناوەندی.

 

ڕاگەیێنراوی فەرمی: نووسینگەی عەتوان عەتوانی، سەرۆکی لیژنەی دارایی ڕایگەیاند: بۆ چارەسەرکردنی ناکۆکییەکانی پەیوەست بە دۆسیەی هەناردەکردنەوەی نەوتی هەرێمی کوردستان دەستوەردان دەکەن.

 

زانیاریی زیاتر: بە گوتەی عەتوانی، گرێبەستی هاوبەشی بەرهەمهێنان کە حکومەتی هەرێم لەگەڵ کۆمپانیا نێودەوڵەتییە نەوتییەکان کردوویەتی، لەگەڵ دەستووری عێراقدا ناگونجێت و ئەمەش خاڵی ناکۆکی ئێستایە.