لە تورکیا 336 بازرگانی ماددەی هۆشبەر دەستگیر دەکرێن

 

ئاڤانیوز

لە ئۆپەراسیۆنێکی هێزەکانی وەزارەتی ناوخۆی تورکیا، کە لە 49 شاری ئەو وڵاتە بەڕێوەچوو 336 بازرگانی ماددە هۆشبەرەکان دەستگیرکران و 2 تۆن و 428 کیلۆگرام ماددەی هۆشبەریش دەستی بەسەردا گیرا.

ئەوەی ئێستا ڕوودەدات: وەزارەتی ناوخۆی تورکیا ئۆپەراسیۆنێکی بە ناوی " نارکۆچێلیک- 35" بۆ کەمکردنەوە و کۆنترۆڵکردنی بڵاوبوونەوەی ماددە هۆشبەرەکان دەستپێکردووە، ڕۆژانە دەست بەسەر ژمارەیەکی زۆر لە حەب و جۆرەکانی دیکەی ماددەی هۆشبەردا دەگیرێت.

ڕاگەیێنراوی فەرمی: عەلی یەرلیکایە، وەزیری ناوخۆی تورکیا ڕایگەیاند، لە ئۆپەراسیۆنەکدا 336 بازرگان دەستگیرکراون، دەستیش بەسەر دوو تۆن و 428 کیلۆ ماددەی هۆشبەر و 888 هەزار و 923 حەبی هۆشبەردا گیراوە.