بازرگانێکی کورد لە تورکیا دەکوژرێت

ئاڤا نیوز 

 

درەنگانی شەوی ڕابردوو، بازرگانێکی دهۆک لە تورکیا  کوژرا و تاوەکو ئێستاش هۆکارەکەی ئاشکرا نەکراوە.

 

چیرۆکی  سەرەکی: 31-08-2024، لە شاری ئیستەنبوڵی تورکیا بازرگانێکی کورد بە ناوی  حەکیم لوقمان لەگەڵ 12 هاووڵاتی تورک دەبێتە دەمەقاڵێیان و دواتر دەکوژرێت.

 

زانیاریی پەیامنێر: ڕۆژهات لوقمان، پەیامنێری ئاڤا لە دهۆک لەگەڵ کەسوکاری کوژراوەکە قسەی کردووە و پێیان گوتووە، حەکیم دوو کەسی لەگەڵ بووە، لە دوبەی بووە و لەوێوە چووەتە ئیستەنبووڵ، بەڵام لەکاتی شەڕەکەدا لای نەبوون و بە تەنیا بووە، بە چەقۆ کوژراوە و تاوەکو ئێستاش هۆکاری شەڕەکەیان نەزانیوە، دەگوترێت لەبەرئەوەی بەکوردی قسەی کردووە دەمەقاڵێکە دروست بووە.

 

زانیاریی زیاتر: حەکیم لوقمان تەمەنی 45 ساڵ و خێزاندار بووە، خەڵکی ناحیەی کەڵەکچییە لە سنووری دهۆک، خاوەنی پێشانگەی ئۆتۆمبێلە، ئەم سەردانەشی بۆ دوبەی و ئیستەنبووڵ بەمەبەستی بازرگانی بووە.

ڕۆژهات لوقامن، پەیامنێری ئاڤا لە دهۆک زانیاریی زیاتر لەبارەی ڕووداوەکە باس دەکات: