توێژینەوەیەک: درەنگ خەوتن هۆکارە بۆ نەخۆشی شەکرە و قەڵەوی

ئاڤا نیوز

 

توێژەران پەیوەندی نێوان درەنگ خەوتن و نەخۆشی شەکرەی جۆری دوو ئاشکرا دەکەن.

زانیاری بەدەستهاتوو: بەپێی لێکۆڵینەوەیەک لە سەنتەری پزیشکی زانکۆی لیدن لە هۆڵەندا بڵاوکراوەتەوە، توشبوون بە نەخۆشی شەکرەی جۆری دوو، پەیوەندی بە شێوازی ژیانەوە هەیە، بە جۆرێک ئەو کەسانەی تا درەنگ بەخەبەرن زیاتر توشی نەخۆشی شەکرەی جۆری دوو دەبن.

 

لێدوانی فەرمی: دکتۆر جیرۆن ڤان دێر ڤێڵد، توێژەری توێژینەوەکە ڕایگەیاند: توێژینەوەکە دەریدەخات مانەوە تا درەنگانی شەو ڕۆڵێکی گرنگی هەیە لە زیادکردنی مەترسی قەڵەوی و شەکرە.

 

ئەوەی پێوسیتە بیزانیت: ئەو کەسانەی توێژینەوەیان لەسەر کراوە بەپێی شێوازی خەوتنیان بەسەر سێ پۆلدا دابەشکراون، ئەو کەسانەی زوو دەخەون لەگەڵ ئەوانەی درەنگ یان مامناوەند دەخەون.

 

چارەسەرەکان: توێژەران داوایان لەو کەسانە کردووە، کە خەوێکی نا تەندروستیان هەیە خۆیان لە خواردنی درەنگانی شەو بەدوور بگرن، بەمەبەستی کەمکردنەوەی کاریگەرییە نەرێنییەکانی درەنگ خەوتن لەسەر کرداری هەرس، هاوکات داوا دەکەن ڕێجیمێکی تەندروست پەیڕەو بکەن و بە بەردەوامی وەرزش بکەن لەپێناو پاراستنی کێشی تەندروست و خۆپاراستن لە نەخۆشییە درێژ خایەنەکان.