درێژترین هێڵی کارەبای ژێردەریایی لە جیهان دروستدەکرێت

ئاڤا نیوز

 

بڕیارە درێژترین هێڵی کارەبایی ژێردەریایی دروست دەبێت کە کیشوەری ئەوروپا بە ڕۆژهەڵاتی دەریای ناوەڕاستەوە دەبەستێتەوە.

 

زانیاریی بەدەستهاتوو: ڕێککەوتی21-9-2024، هەردوو وەزارەتی وزەی یۆنان و قوبرس ڕایانگەیاند: هەردوو وڵات یاداشتێکی لێکتێگەیشتنیان واژۆ کردووە، کە ئامانج لێی پێشخستنی پڕۆژەی هێڵی کارەبایی ژێر دەریاییە بۆ بەستنەوەی کیشوەری ئەوروپا بە ڕۆژهەڵاتی دەریای ناوەڕاستەوە.

 

‎زانیاریی زیاتر: پڕۆژەی "پەیوەندیی دەریای گەورە" ئامانجیەتی تۆڕەکانی گواستنەوەی کارەبای ئەوروپا بە قوبرسەوە ببەستێتەوە و تێچووی پڕۆژەکە دوو ملیار و 120 هەزار دۆلارە، دواتر درێژدەکرێتەوە بۆ ئیسرائیل.

 

‎ئەوەش بزانە: هێڵەکە درێژترین هێڵی کارەبایی جیهان دەبێت بەو ڤۆڵتیە بەرزە، بەو پێیەی درێژییەکەی دەگاتە هەزار و 140 کیلۆمەتر، بە قوڵی سێ هەزار مەتر لە ژێر دەریادا دروست دەکرێت.

 

بۆچی گرنگە: قوبرس بە تۆڕی کارەبای ئەوروپا دەبەستێتەوە و ئاسانکاری دەکات بۆ گواستنەوەی وزە.