هۆکارەکانی تووشبوون بە ئەگزیما دەدۆزرێتەوە

ئاڤا نیوز

توێژینەوەیەکی نوێ دەریخستووە، خۆراکە خوێییەکان ئەگەری تووشبوون بە خوران و وشکبوونی پێست زیاد دەکات کە پەیوەندی بە ئەگزیما هەیە.

وێنە گەورەکە: ئەگزیما بە کۆمەڵێک باری هەوکردنی پێست ناسراوە کە دەبێتە هۆی خوران و وشکبوونەوەی پێست، پەڵەی توێکڵدار و هەوکردن، شارەزایان پێیان وایە خوێ دەبێتە هۆی گەشەکردنی نەخۆشی ستافیلۆکۆکۆسی ئاوریۆس کە جۆرێکی باوی بەکتریایە و لەسەر پێستمان دەژی، وا لێکدەدرێتەوە کە بەرپرسە لە حەزی خوران و دەبێتە هۆی تێکچوونی پێست.

 

زانیاریی زیاتر: توێژەرانی زانکۆی کالیفۆرنیا، لە تاقیگەیەک لە بەریتانیا لەڕێگەی وەرگرتنی نمونەی میز لێکۆڵینەوەیان لەسەر زیاتر لە 215 هەزار کەس کردووە کە تەمەنیان لە نێوان 30 بۆ 70 ساڵیدایە.

 

ئەوەی پێویستە بیزانیت: لە ئەنجامی توێژینەوەکە دەردەکەوێت، هەر گرامێک سۆدیۆم لە ماوەی 24 کاتژمێر لە میزدا دەردەدرێت، پەیوەندی بە ئەگەری زیاتری دەستنیشانکردنی ئەگزیما بە ڕێژەی 11% هەیە. هاوکات توێژەران باری 13 هەزار کەسی پێگەیشتوو ئەمریکییان شیکردەوە کە بەشدارییان لە ڕاپرسیی نیشتمانیی پشکنینی تەندروستی و خۆراکدا کردووە، بۆیان دەرکەوتووە کە خواردنی یەک گرامی خوێی زیادە لە ڕۆژێکدا (یەکسانە بە نیو کەوچک) پەیوەندی بە ئەگەری تووشبوون بە ئەگزیما بە ڕێژەی 22%ـوە هەیە.