سوپای ئیسرائیل کوژرانی سەرکردەیەکی حەماس ڕادەگەیەنێت

ئاڤا نیوز 

 

سوپای ئیسرائیل لە چوارچێوەی هێرشێکی ئاسمانیدا بۆسەر کەرتی غەززە، سەرکردەیەکی باڵای حەماس لە خان یونس دەکوژێت.

 

ڕاگەیێنراوی فەرمی: سوپای ئیسرائیل لەوبارەیەوە دەڵێت: عزەدین قەساب، سەرکردەیەکی باڵای حەماس، بەرپرسی پەیوەندییەکانی حەماس و گرووپەکانی دیکەی غەززە لە هێرشێکی ئاسمانیدا کوژراوە. 

 

زانیاریی زیاتر: هاوکات تاوەکو ئێستا حەماس بە فەرمی کوژرانی ئەو سەرکردەیەی پشتڕاست نەکردووە. 

 

باکگراوند: لە سەرەتای شەڕی نێوان حەماس و ئیسرائیلەوە، زیاتر لە 43 هەزار فەلەستینی کوژراون و نزیکەی 101 هەزاری دیکەش برینداربوو.