بڕیارێکی ئۆپیک پڵەس نرخی نەوتی بەڕێژەی 1.5٪ بەرزکردەوە

ئاڤا نیوز 

 

نرخی نەوت لە مامەڵەکانی یەکەم ڕۆژی هەفتەیەدا بەڕێژەی 1.5% بەرزبووەوە.

وێنە گەورەکە: دوای ئەوەی هاوپەیمانی ئۆپیک پڵەس بڕیاریدا، رێککەوتنی بەرزکردنەوەی ئاستی بەرهەمهێنان بۆ مانگێکی دیکە دوابخات و وڵاتان بەردەوام بن لە کەمکردنەوەی ئاستی بەرهەمهێنان. بەهۆیەوە نرخی بەرمیلێک نەوتی خاوی برێنت بۆ سەرووی 74 دۆلار بەرزبووەوە و نرخی بەرمیلێک نەوتی رۆژئاوای تێکساسیش گەیشتە سەرووی 70 دۆلار. 

زانیاریی زیاتر: ئەمە لە کاتێکدایە، بڕیاربوو هاوپەیمانی ئۆپێک پڵەس لە مانگی کانوونی یەکەمی داهاتوو ئاستی بەرهەمهێنان بە بڕی 180 هەزار بەرمیل نەوتی رۆژانە بەرزبکاتەوە، بەڵام ئەو هەنگاوەی بۆ مانگێکی دیکە دواخست و هۆکارەکەشی بۆ دابەزینی نرخ و کەمبوونەوەی خواست گەڕاندەوە.

ئەوەی پێویستە بیزانیت: رێککەوتنی ئۆپێک وەک خۆی ماوەتەوە، بڕیاریان داوە تاوەکو کۆتایی ساڵی 2025، ڕۆژانە 3 ملیۆن 660 هەزار بەرمیل نەوتی رۆژانە کەمبکەنەوە.