ئەڵمانیا بە یاسا رێگە بە کێشانی حەشیش دەدات

ئاڤا نیوز

 

پەرلەمانی ئەڵمانیا پڕۆژەیاسایەکی پەسەندکرد بۆ کێشانی حەشیش لەلایەن هاووڵاتییانی وڵاتەکە و چووە لیستی ئەو وڵاتە ئەوروپییانەوە کە کێشانی ئەو ماددە بێهۆشکەرە بە یاسایی بکات.

 

بۆچی گرنگە: پەسەندکردنی پڕۆژەیاساکە دوای ئەوە دێت کە بەرپرسانی وڵاتەکە نیگەرانن لە بەرزبوونەوەی ئاستی کێشانی ماددە بێهۆشکەرەکان و مامەڵەکردن پێیانەوە لە بازاڕی ڕەشدا، بۆیە بەم یاسایە دەیانەوێت مامەڵەکردن بە حەشیش و جۆرەکانی رێکبخەنەوە و بە یاسایی بکەن.

 

ئەوەی پێویستە بیزانیت: بەپێی یاسا نوێیەکە، لە ڕۆژی 01-04-2024ەوە هەموو هاووڵاتییەکی ئەڵمانی کە تەمەنی لەسەروو 18 ساڵ بیت دەتوانێت بڕی 25 گرام حەشیش هەڵبگرێت بۆ بەکارهێنانی تایبەتی.

 

زانیاری زیاتر: هەموو هاوڵاتییەکی ئەڵمانیا رێگەی پێدەدرێت بڕی 50 گرام لە ماڵەوە دابنێت و دەشتوانێت سێ ڕووەکی حەشیش (کانەبیس) لە ماڵەوە بچێنێت.

 

ژمارەکان وادەڵێن: بەپێی ئاماری وەزارەتی تەندروستی ئەڵمانیا، ژمارەی بەکارهێنەرانی حەشیش لەنێوان تەمەنی 18 بۆ 25 ساڵی لە 10 ساڵی ڕابردوودا بووەتە دوو هێندە.