ئەردۆغان: خۆشحاڵین بە ئاگربەستی لوبنان

ئاڤا نیوز

 

ڕەجەب تەیب ئەردۆغان، سەرۆککۆماری تورکیا خۆشحاڵی خۆی بۆ ڕاگەیاندنی ئاگربەستی لوبنان دەربڕێت و دەڵێت، چاوەڕێ دەکەین ئیسرائیل خاڵەکانی ئاگربەستەکە وەک خۆی جێبەجێ بکات.

 

وێنە گەورەکە: تورکیا لەسەرەتای شەڕی حەماس و ئیسرائیل ، لە بەرەی حەماس و حیزبوڵڵا دژی ئیسرائیل سیاسەت دەکات، تەنانەت وەک خاوەنی دۆزی فەلەستین  بەرگریی دەکات، لەلایەک سەرجەم پەیوەندییە دیپلۆماسییەکانی لەگەڵ ئیسرائیل وەستاند، لەلایەکی دیکە دەیەوێت وڵاتەکەی لە ئاگری شەڕی ڕۆژهەڵاتی ناوەڕاست بپارێزێت.

 

لێدوانی فەرمی: ڕەجەب تەیب ئەردۆغان، سەرۆککۆماری تورکیا ڕایگەیاند: خۆشحاڵین بە ڕێککەوتنی ئاگربەستی نێوان ئیسرائیل و لوبنان کە بەیانی ئەمڕۆ کەوتە بواری جێبەجێکردنەوە.

 

لەلایەکی دیکەوە: "چاوەڕوانین هەموو لایەنەکان بە تایبەتی ئیسرائیل بەرپرسیارێتی خۆی لە ڕووی پاراستنی ئارامی لەسەر زەوی جێبەجێ بکەن. هەموومان لە دۆخی ئێستای ناوچەکە بەرپرسیاریەتییەکی مێژوویی و گەورەمان لەسەر شانە". سەرۆککۆماری تورکیا وادەڵێت.