داودئۆغڵۆ: ڕەنگە سزاكەی ئۆجەلان لە ئیمراڵییەوە بكرێتە دەستبەسەركردن لە ماڵەوە

ئاڤا نیوز

سەرۆکی پارتی ئایندە و سەرۆكوەزیرانی پێشووی توركیا ڕایدەگەیەنێت، ڕەنگە سزای زیندانیكردنی عەبدوڵا ئۆجەلان لە دوورگەی ئیمراڵییەوە بكرێتە دەستبەسەركردن لە ماڵەوە.

 

وێنە گەورەكە: ڕۆژی 28-12-2024 و بۆ پاڵپشتی لە دەسپێشخەرییەكەی دەوڵەت باخچەلی، سەرۆكی مەهەپە بۆ دەستپێكردنەوەی پڕۆسەی برایەتیی كورد و تورك و دوای 10 ساڵ، شاندێكی دەم پارتی سەردانی دوورگەی ئیمراڵییان كرد و سێ كاتژمێر دیداریان لەگەڵ عەبدوڵا ئۆجەلان هەبوو.

 

ڕاگەیێنراوی فەرمی: ڕۆژنامەی "یەنیچاخ"ـی توركی لە دیدارێكی لەگەڵ ئەحمەد داودئۆغڵۆ، سەرۆكی پارتی ئایندە و سەرۆكوەزیرانی پێشووی توركیا، ناوبراو ئاماژەی بەوە داوە كە ڕەنگە پرسی شوێنی مانەوەی عەبدوڵا ئۆجەلان بێتە ئاراوە و چیتر لە دوورگەی ئیمراڵی نەهێڵدرێتەوە.

 

لەلایەکی دیکەوە: پێشتر محەمەد کەماچ، پەرلەمانتاری دەم پارتی بە ئاڤا میدیای ڕاگەیاندبوو: "دەتوانرێت قەناعەت بە پەکەکە بهێنرێت تا بە بڕیاری ئۆجەلان چەک دابنێت، بەڵام لە بەرامبەر ئەوەدا کورد داوای مافی دەستووری و نەتەوەیی خۆی لە تورکیا دەکات".