ماکرۆن سەردانی لوبنان دەکات

ئاڤا نیوز

 

ئیمانوێل ماکرۆن، سەرۆکی فەرەنسا پشتیووانی خۆی بۆ پرۆسەی هەڵبژاردنی سەرۆککۆماری لوبنان ڕاگەیاند و بڕیاریشە بەمزووانە سەردانی بەیرووت بکات.

 

ڕاگەیێنراوی فەرمی: کۆشکی ئێلیزێ ڕایگەیاند، ''ئیمانوێل ماکرۆن، سەرۆکی فەرەنسا پەیوەندییەکی تەلەفۆنی لەگەڵ جۆزێف عەون، سەرۆککۆماری نوێی لوبنان ئەنجامدا، تیایدا هیوای سەرکەوتنی بۆ خواست و پێی ڕاگەیاند بەمزووانە سەردانی بەیرووت دەکات''.

 

زانیاریی بەدەستهاتوو: میدیا لوبنانییەکان لەبارەی وادەی سەردانەکەی سەرۆکی فەرەنساوە بڵاویانکردووەتەوە، ''ماکرۆن هەفتەی داهاتوو سەردانی بەیرووتی پایتەختی لوبنان دەکات''.

 

بۆچی گرنگە: فەرەنسا هاوپەیمانێکی سەرەکی لوبنانە و لە سەرەتای هێرشەکانی ئیسرائیل بۆسەر ناوچە جیاوازەکانی باشووری لوبنان پشتیووانی خۆی بۆ لوبنانییەکان دووپاتکردووەتەوە، چەندین جاریش شاندی فەرەنسا لە سەروبەندی هێرشەکانی ئیسرائیل سەردانی لوبنانیان کردووە.

 

باکگراوند: دوای دوو ساڵ لە بۆشایی سیاسیی دواجار کۆبوونەوەی پەرلەمانی لوبنان بۆ هەڵبژاردنی سەرۆککۆماری وڵات لە 9-1-2025 بەڕێوەچوو، کە تیایدا ژەنەڕاڵ جۆزێف عەون، فەرماندەی سوپا وەک سەرۆکی لوبنان بۆ ماوەی ماوەی شەش ساڵ هەڵبژێردرا.