لە سلێمانی ژنێک بەهۆی نەشتەرگەریی دەرهێنانی چەوری گیانی لەدەستدا

ئاڤا نیوز

 

لە سلێمانی ژنێک بەهۆی ئەنجامدانی نەشتەرگەریی دەرهێنانی چەوری لە نەخۆشخانەیەکی تایبەتی ئەو شارە گیانی لەدەستدا.

 

چیرۆکی سەرەکی: شەوی رابردوو ژنێکی تەمەن 41 ساڵ لەدوای ئەوەی لە نەخۆشخانەیەکی تایبەتی شاری سلێمانی نەشتەرگەریی دەرهێنانی چەوری بۆکراوە، 15 خولەک دوای دەرچوونی لە نەشتەرگەری، دڵی لە لێدان وەستاوە و لەهەمان نەخۆشخانە گیانی لەدەستداوە.

 

لێدوانی فەرمی: کەسێکی نزیکی ژنەی گیانی لە دەستداوە بە ئاڤا نیوزی گوت: ئێوارەی دوێنێ (هەرێز محەممەد) کە خاوەنی دوو منداڵە، نەشتەرگەری ڕاکێشانی چەوری بۆ کراوە، ماوەی حەوت کاتژمێر لە ژووری نەشتەرگەریدا بووە، دوای هێنانە دەرەوەی لە هۆڵی نەشتەرگەریی گیانی لەدەستداوە.

 

زانیاریی تایبەت: سەرچاوەیەکی تایبەت بە ئاڤای وت لەسەر سکاڵای کەسوکارەکەی، پۆلیسی سلێمانی پزیشکەکەی دەستگیرکردووە و پەڕاوی لێکۆلینەوەش بۆ ڕووداوەکە کراوەتەوە.