سەرۆکی فەرەنسا بە سەردانێکی فەرمی گەیشتە لوبنان

ئاڤا نیوز

ئیمانوێل ماکرۆن، سەرۆکی فەرەنسا، بە سەردانێکی فەرمی گەیشتە بەیرووتی پایتەختی لوبنان و لەگەڵ بەرپرسانی ئەو وڵاتە کۆبووەوە. 

 

وێنە گەورەکە: دوای ڕاگەیاندنی ئاگربەستی نێوان ئیسرائیل و حزبوڵڵای لوبنانی، فەرەنسا هاوشان لەگەڵ ئەمریکا و سعودییە ڕۆڵی سەرەکییان بینیوە لە یارمەتیدانی لوبنان و شکاندنی بنبەستی سیاسی لەو وڵاتە کە لە ئەنجامدا هەڵبژاردنی لێکەوتەوە و سەرۆک و سەرۆک وەزیرانی نوێ هەڵبژێردران.

ئەوەی پێویستە بیزانیت: ماکرۆن لەگەڵ جۆزێف عەون، سەرۆکی لوبنان و نەواف سەلام، سەرۆکوەزیرانی دەستنیشانکراو کۆبووەوە و دۆخی وڵاتەکەیان تاوتوێ کرد.

ڕاگەیێنراوی فەرمی: سەرۆکایەتیی فەڕەنسا لە بەیاننامەیەکدا ڕایگەیاند، سەردانەکەی ماکرۆن بۆ لوبنان جەختکردنەوەیە لە سەر پاڵپشتیی فەرەنسا بۆ سەروەری و یەکپارچەیی خاکی لوبنان.