وەزارەتی دارایی هەرێمی کوردستان ڕێنمایی  بۆ خەرجیی دام و دەزگاکان ڕادەگەیەنێت

ئاڤا نیوز

بەپێی نووسراوێکی وەزارەتی دارایی و ئابووری هەرێمی کوردستان کە گشتاندنی بۆکراوە بۆ سەرجەم وەزارەتەکان، لە ئەمڕۆ دووشەممەوە خەرجیی وەزارەتەکان بەپێی رێنماییە نوێیەکان دەستپێدەکاتەوە.

چیرۆکی سەرەکی: ساڵانە ڕێنمایی نوێ سەبارەت بە خەرجی وەزارەتەکان لەلایەن وەزارەتی دارایی و ئابووری بڵاودەکرێتەوە بە پشتبەستن بە بودجەی ساڵ، بەڵام بەهۆی ئەوەی هەرێمی کوردستان یاسای بودجەی ساڵی 2025ـی نییە، خەرجییەکان لەسەر ڕێژەی 1/12ـی  خەرجیی فعلی ساڵی 2024 دەبێت تا ئەو کاتەی یاسای بودجە پەسەند دەکرێت.

ڕاگەیێنراوی فەرمی: وەزارەتی دارایی، لە گشتاندنەکە دەڵێت: بە مەبەستی یەکلاکردنەوەی ژمێرەکان، لە 10ـی 12ـی ساڵی ڕابردوو وەزارەتی دارایی و ئابووری هەرێمی کوردستان خەرجیی تایبەتی دامەزراوەکانی راگرت .

زانیاریی زیاتر: گشتاندنەکە پاڵپشت بە فەرمانی سەرۆکایەتی ئەنجوومەنی وەزیرانە، کە بڕیاردراوە بە جێبەجێکردنی 20 خاڵ، لە چوارچێوەی خەرجییەکانی (فیعلی) ساڵی 2024، تاوەکو پەسەندکردنی بودجەی ساڵی 2025ـی هەرێمی کوردستان.