شەهباز شەریف بە سەرۆكوەزیرانی پاكستان هەڵبژێردرایەوە

ئاڤا نیوز

پەرلەمانی تازە هەڵبژێردراوی پاکستان شەهباز شەریف-ی وەک سەرۆکوەزیرانی ئەو وڵاتە هەڵبژارد. ئەمە خولی دووەمی سەرۆکوزەزیرانیی شەریفە لە پاکستان. 

لێدوانی فەرمی: سەردار ئەیاز، سەرۆکی پەرلەمانی پاکستان ڕایگەیاند: شەهباز شەریف وەک سەرۆکوەزیرانی کۆماری ئیسلامیی پاکستان هەڵبژێردراوە. 

زانیاریی زیاتر: شەهباز شەریف توانی بەپێی هاوپەیمانێتییەک کە درووستی کردبوو دەنگی 201 پەرلەمانتار بە دەست بهێنێت و بە سەر عومەر ئەیووب خاندا سەربکەوێت کە تەنیا 92 دەنگی بەدەستهێنا.

باکگراوند: سێ هەفتە لەمەو پێش هەڵبژاردنی پەرلەمانی پاکستان لە کەشێکی پڕ لە نائارامییدا بەڕێوەچوو.