لە حاجی ئۆمەران پەنجا گەشتیار لەناو بەفر ڕزگار کران

ئاڤا نیوز

 

شەپۆلێکی بەفربارین ڕووی لە هەرێمی کوردستان کردووە، لە بەشێک لە ناوچەکانیش بەهۆی زۆری بەفربارینەوە ڕێگەی هاونیشتمانییان گیراوە، لە سنووری حاجی ئۆمەرانیش 50 گەشتیار گیریان خواردبوو. 
 
ڕاگەیێنراوی فەرمی: بەرێوەبەرایەتیی بەرگری شارستانی ئیدارەی سۆران ڕایگەیاند: ئەمرۆ هەینی 7-2-2025، تیمێکیان توانیویەتی 15 ئۆتۆمبێل و 50 گەشتیار لە نێو بەفر ڕزگار بکەن کە بەهۆی زۆری بەفربارینەوە توانای دەرچوونیان نەمابوو. 
 
لەلایەکی دیکەوە: بەپێی داتاکانی کەشناسی لە هەرێمی کوردستان، بەرزترین پلەکانی گەرمای پێشبینیکراو بە پلەی سیلیزی بۆ 48 کاتژمێر بەم شێوەیەن:

 

هەولێر 11 پلەی سلیزی.
سلێمانی 8 پلەی سلیزی.
دهۆک 12 پلەی سیلیزى.
کەرکووک  12 پلەى سیلیزى.
زاخۆ 13 پلەى سیلیزى.
هەڵەبجە 10 پلەى سیلیزى.
حاجی ئۆمەران 0 پلەى سیلیزى.
سۆران 10 پلەى سیلیزى.
گەرمیان  15پلەى سیلیزى.